Gitara

Nagsimula na ang pagluha
ng gitara.
Ang kalis ng nagdaang araw
ay nasira na.
Wala nang katuturan
kung ito'y patatahimikin pa.
Musikang handog nito'y
wala nang katapusan.
Ang pagluha nito'y
paulit-ulit
habang ang hangi'y umiihip,
habang ang karagata'y umaalon.
Hindi na ito mapipigil.
Lumuluha ito
para sa mga humayo't lumisan.
Musika nito'y tila
palasong walang asintahan,
tila gabing walang umaga,
tila isa ibong walang buhay.
Gitara,
puso'y iyong sinugatan
Gamit ang lima mong punyal.